Mae Bwyd Lleol yn golygu bwyd sydd wedi ei dyfu neu wedi’i brosesu mewn ardal ddaearyddol. Mae cynnyrch bwyd lleol yn aml yn cynnwys arferion cynaliadwy neu foesegol fel ffermio organig neu ddefnyddio cynnyrch Masnach Teg. Mae’r rhain i gyd yn dod â manteision economaidd, cymdeithasol, iechyd ac amgylcheddol i’r ardal leol.

Bwriad y wefan hon yw rhoi gwybod am rai o’r prif gynhyrchwyr bwyd lleol yn Sir Conwy, gan ddarparu darlun o’u cynnyrch a’u busnes, ynghyd â manylion o sut a lle y gallwch chi brynu’r bwyd. Ceir tudalennau pellach hefyd yn rhoi trosolwg o fanteision y diwydiant bwyd lleol a’r hyn y gallwch ei wneud i’w gefnogi. Mae tudalennau eraill yn rhoi manylion am ddigwyddiadau yng Nghonwy lle gallwch brynu bwyd yn lleol, a rhestr o siopau, bwytai, caffis a gwestai yn y sir sydd wedi ymrwymo i gyflenwi bwyd lleol. Rydym bob amser yn chwilio am fwy o gyflenwyr bwyd lleol, felly, os oes cynhyrchydd neu werthwr bwyd lleol, neu westy, bwyty, caffi, tafarn neu wely a brecwast sydd wedi ymrwymo i ddarparu bwyd lleol yr hoffech ei enwebu, ewch i’n Tudalen Cyflenwyr Bwyd Lleol a llenwi’r ffurflen ar-lein a dweud wrthym amdanynt.