Blasu Conwy - Cymdeithas Gwenynwyr Conwy

Cymdeithas Gwenynwyr Conwy

Manylion cyswllt:
Peter McFadden – Ysgrifennydd Anrhydeddus
Ynys Goch
Ty’n y Groes
Conwy
LL32 8UH

Gwefan:
conwybeekeepers.org.uk

Rhif Ffôn: 01492 650851
E-bost:
peter@honeyfair.
freeserve.co.uk

Steve Porter – Cadeirydd
Rhif Ffôn: 01492 596780
E-bost:
bryn-yr-aur@lineone.net

Mêl, teisennau mêl, cyffug mêl, canhwyllau cŵyr gwenyn, bariau cŵyr gwenyn, cŵyr gwenyn ar gyfer dodrefn, hylif dwylo. .

Ar werth yn:

Ffair Fêl Conwy –
Ddydd Mercher 13 Medi 2007

Gwledd Conwy –
27 a 28 Hydref 2007

Ffair Hadau Conwy -
Dydd Mercher 26 Mawrth 2008

Ffair Fêl Conwy –
Dydd Sadwrn 13 Medi 2008

Marchnadoedd Gwledig Lleol
www.country-markets.co.uk
Gan wenynwyr unigol.

Mae’r traddodiad o werthu mêl yng Nghonwy wedi’i sefydlu ers blynyddoedd maith. Ym 1284, ar ôl codi ei gastell Saesneg a’r dref ar geg yr afon, rhoddodd Edward I siarter oedd yn caniatáu i bobl Cymraeg lleol fynd mewn i’r dref i werthu nwyddau ar bedwar diwrnod o’r flwyddyn. Un o’r rhain oedd ar gyfer gwerthu mêl ar 13 Medi, ac felly dechreuodd hanes hir y dref gaerog hon, ac yn wir ei dir gwledig pellach gyda gwenynyddiaeth. Dros 700 mlynedd yn ddiweddaraf, mae Ffair Fêl Conwy yn parhau i ddenu siopwyr awyddus i ymweld â stondinau’r gwenynwyr sy’n llenwi’r stryd fawr gyda mêl, teisennau mêl, canhwyllau cŵyr gwenyn, sebonau a rhoddion.

Mae Cymdeithas Gwenynwyr Conwy yn rhedeg y Ffair Fêl ers 1990, a sefydlwyd y gymdeithas i ddechrau ym 1978 gan Dennis Adams a Gwynfor Evans, ac mae’r aelodau sylfaenol yn cynnwys Will Berry, disgynnydd o’r teulu oedd wedi cynnal y Ffair Fêl ers 1850, a Peter McFadden, sydd bellach yn Ysgrifennydd y Gymdeithas ac yn trefnu’r Ffair. “Sefydlom y Gymdeithas i ddod a gwenynwyr lleol ynghyd i rannu gwybodaeth a phrofiad.” meddai Peter o’r Gymdeithas, sydd bellach ag 80 aelod ledled Gogledd Gorllewin Cymru. “Rydym yn cynnal cyfarfodydd yng Ngholeg St. David a sesiynau hyfforddi yn ein gwenynfa yn Nhal y Cafn. Rydym hefyd yn rhedeg dosbarth nos boblogaidd gyda chefnogaeth Canolfan ar gyfer Defnydd Tir Amgen Prifysgol Bangor sydd wedi ein helpu ni gyda llawer o brosiectau.”

Wrth gynaeafu paill a neithdar o sycamorwydden, draenen wen a hadau olew yn gynnar yn yr haf, mwyar duon a choed leim yng nghanol yr haf a grug yn gynnar yn yr hydref, mae’r gwenyn gwneud mêl sydd wedyn yn cael ei ddefnyddio i greu teisennau mêl a chyffug mêl. Mae nifer o aelodau yn cyflenwi mêl i Fragdy Conwy ar gyfer ei Gwrw Mêl poblogaidd. Mae’r gwenynwyr lleol hefyd yn troi'r cŵyr gwenyn, sydd yn cael ei dorri o’r cychod gwenyn cyn ei droelli i mewn i’r mêl, i amrywiol gynhyrchion gan gynnwys canhwyllau, hylif dwylo a chŵyr dodrefn.

“Rydym wedi gwneud rhestr o dros 20 gwahanol ddefnydd ar gyfer cŵyr gwenyn,” meddai Peter. “Gellir ei ddefnyddio i ryddhau sipiau siwtiau gwlyb a hyd yn oed selio ceg offeryn didgeridoo." Mae aelodau yn gwerthu’r cynnyrch yn unigol ac mewn digwyddiadau ar y cyd fel Ffair Fêl Conwy, a Ffair Hadau Conwy, Sioeau Llanrwst ac Eglwysbach ac maent wedi ennill gwobrwyon yn Sioe Amaethyddol Cymru. Wrth siarad â Peter rydych yn cael yr argraff yn union fel yr oedd yn dod â phobl ynghyd ym 1284, y bydd mêl yn rhan bwysig o gymuned Conwy am flynyddoedd lawer.