Cynlluniau amaethyddol-amgylcheddol fel Tir Gofal ac yn fwy diweddar, Tir Cynnal a gynorthwyodd Beryl a Dafydd Roberts i droi eu fferm ddefaid a chig eidion ar lethrau uwchben Conwy i fod yn fferm organig. “Roeddem eisoes yn meddwl am ffermio llai ac roeddem wedi bod yn gweithio gyda Chyngor Cefn Gwlad Cymru i wella ein tir pan ddaeth Tir Gofal i rym a dyma oedd yr hwb yr oeddem ei angen,” esboniodd Dafydd.

ffyrdd o dorri i lawr ar y plaladdwyr a’r gwrtaith oedd yn cael ei ddefnyddio, gan gyflwyno mannau mawr o leiniau llawn meillion i borthi’r tir, pan lansiwyd Tir Gofal ym 1999. Roedd yn cael ei reoli gan Gyngor Cefn Gwlad Cymru, ac roedd y cynllun fferm gyfan hwn wedi ei ddylunio i annog arferion ffermio sy’n diogelu ac yn gwella tirweddau a bywyd gwyllt yng Nghymru. Nid oedd angen gwneud llawer i argyhoeddi Dafydd a Beryl, ac yn fuan roeddynt yn gostwng nifer y defaid Mynydd Cymreig a’r gwartheg Duon Cymreig a’r gwartheg Charolais Cross oedd ganddynt ar eu fferm a chael llwyni newydd. Roedd ffermio llai a gwella amgylchedd y fferm yn rhoi dwy fantais fawr i’r cwpl, un o’r rhain oedd cael statws organig y Soil Association yn 2001. “Hefyd, fe sylweddolom y gallem bellach gynnig safle iach a phrydferth sy’n agos at atyniadau Conwy ac Eryri, ac roedd gennym adeiladau fferm nad oeddem eu hangen bellach,” meddai Beryl. Aeth y cwpl ymlaen i drawsnewid rhai o’r adeiladau amaethyddol hyn i lety gwyliau hunan arlwyo a bellach maent yn cynnwys pum eiddo gan gynnwys yr ysgubor, y ffermdai a’r beudai blaenorol.