“Dechreuais fragu gartref tua 20 mlynedd yn ôl,” esboniodd y cyn reolwr labordy cemegol fel mae’n troi cerwyn anferthol o gymysgfa. “Fi oedd ‘bragwr y brifysgol’ a dechreuais gyda phecynnau o Boots,” meddai. Ond y dechrau’n unig oedd hynny, ac oherwydd ei gwest am gwrw sy’n blasu’n well ac yn debycach i gwrw masnachol, aeth un gam yn nes at ddechrau ei gwmni ei hun.

“Cyfuniad o anfodlonrwydd cyffredinol gyda’m swydd a phobl yn dweud wrthyf pa mor dda oedd fy nghwrw a wnaeth i mi benderfynu yn y pendraw,” meddai. “Ac yna bu i’r canghellor dorri cyfraddau dyletswydd ar gyfer bragdai bach, a daeth arian Amcan Un ar gael.”

Mae’n cael ei gynorthwyo gan ei wraig Adele sy’n gofalu am yr ochr swyddfa o’r busnes, ac oherwydd llwyddiant y bragdy mae bellach wedi symud i eiddo mwy gan ddyblu ei gwmpas a gallu potelu yn awtomatig.

Ond wedi dweud hynny, mae’n dymuno plesio ei gwsmeriaid, ac fe wnaiff hyd yn oed fragu ychydig o gwrw yn arbennig ar gyfer tafarndai unigol a dathliadau arbennig.

“Mae cwrw go iawn yn rhyw fath o chwyldro,” meddai. “Rydym yn darparu cynnyrch ar gyfer yr yfwr mwy craff gan symud i ffwrdd oddi wrth y ddelwedd o’r hen ddyn yn yfed cwrw.”

Ond nid yw’n treulio ei ddiwrnodau i gyd mewn welintons gwyn, yn troelli cymysgfa, a’i drosglwyddo i gynhwysydd copr mawr.