Bryd hynny, bu i Eleri a phum gwraig fferm arall o’r ardal roi eu sgiliau ynghyd i sefydlu Gwasanaethau Priodas Cwlwm sy’n gweithredu o’r felin flawd flaenorol yn Ysbyty Ifan. “Cytunodd yr Ymddiriedolaeth Genedlaethol i adnewyddu’r felin i ni i’w defnyddio fel siop ar gyfer y gwasanaethau gwahanol, ac fel lle gall pobl ddod i drafod eu gofynion priodas.” Wrth greu teisennau priodas gwych, mae talentau Eleri’n cyfuno’n dda gyda’r talentau eraill fel gwneud ffrogiau, hetiau, blodau, cerddoriaeth, cardiau a rhoddion sy’n cael eu cyflenwi gan eraill yn y busnes.

Yn y cyfamser roedd yr Ymddiriedolaeth Genedlaethol ar fin trawsnewid hen fythynnod drws nesaf i’r felin. “Gofynnais a fyddent yn ystyried rhentu’r adeilad i mi fel y gallwn sefydlu ystafell de a becws y drws nesaf i Cwlwm,” meddai Eleri. Felly yn 2004, rhoddodd gorau i’w swydd a dechreuodd wneud a gwerthu teisennau, quiches, pates a jams o Bopty Pen Uchaf. Erbyn hyn, mae hi’n gwneud teisennau priodas ac yn cyflenwi caffi lleol, ond mae hi hefyd wedi ymestyn ei gwasanaeth i ddarparu bwffes ar gyfer priodasau bychan yn yr ardal. Wrth geisio cynyddu lefel y cynhwysion lleol yn ei chynnyrch bob amser, mae Eleri yn parhau i farchnata ei chynnyrch ar ei phen ei hun ac ar wefan Cwlwm ac mae hi’n bwriadu gwerthu teisennau a jams mewn digwyddiadau a marchnadoedd ffermwyr. Mae ei ystafell de, Pen Isaf, sydd â waliau wedi’u gwyngalchu, lloriau llechi a dreseli a byrddau pîn ar agor ar ddydd Sadwrn, lle gall Eleri ddibynnu, gobeithio, ar ei phlant am gymorth.