Penrhos a datblygodd ei gyrfa yn sydyn iawn i fod yn Ben Gogydd yr ysgol. Ar ôl i’r ysgol gau, roedd Rhian eisoes wedi dechrau ystyried rhedeg ei busnes ei hun, a gofynnodd mwy a mwy o ffrindiau iddi greu teisennau i ddathlu achlysuron arbennig iddynt.

Roedd yn arfer gweithredu o gegin fechan ond berffaith o’i chartref yn Llanelian, ond mae Rhian bellach wedi symud i gegin fasnachol a adeiladwyd yn bwrpasol ar gyfer ei chwmni ym mhentref prysur Betws-yn-Rhos. Yng nghysgod eglwys St Michael y pentref, mae’n cymysgu teisennau amrywiol fel battenburg, bara brith a sbwnj Victoria. Mae’n cael archebion gan westai, delicatessens a chaffis cyn belled i ffwrdd â Beaumaris, Caernarfon a Chastell Bodelwyddan. Bellach mae ei hamrywiaeth wedi ymestyn i gynnwys llawer o bwdinau a rhai bwffe. “Mae’r rhan fwyaf o’m cwsmeriaid newydd yn cael eu cyfeirio ataf drwy enw da neu rwyf wedi galw i mewn i’w gweld eisoes. Fel arfer rwy’n mynd â samplau gyda mi iddynt eu blasu, ac ymddengys bod hynny’n ddigon i’w argyhoeddi heb i mi orfod siarad gormod!”

Mae gan Rhian lawer o wybodaeth am deisennau. Am flynyddoedd maith bellach mae hi wedi bod yn beirniadu’r cystadlaethau teisennau yn Sioe Sir Feirionydd, Sioe Llanrwst a Sioe Amaethyddol Harlech.
 

Mae hi wedi ymddangos yn Sioe Sir Gwaenynog Sir Ddinbych, Gŵyl Fwyd Conwy a Marchnad Ffermwyr Conwy a chan fod Rhian wedi symud i eiddo mwy mae wedi caniatáu iddi werthu mwy o’i chynnyrch yn uniongyrchol. Felly os gall Rhian ddod o hyd i ddigon o oriau yn y diwrnod byddwn yn gweld llawer mwy ohoni mae’n siŵr.