Ers 2005 mae Llandudno Smokery wedi cael ei redeg gan Mike a Jody Scrutton, ac maent wedi manteisio ar gyfuno arbenigedd unigol tad a mab gan roi safbwynt cyfoes i gwmni traddodiadol. Mae Jody wedi graddio mewn rheoli bwyd a lletygarwch, ac ef sy’n gyfrifol am y busnes o ddydd i ddydd, gan ganolbwyntio ar weithredu a chwsmeriaid. Mae pwyslais gryf ar gynnyrch o Gymru ac mae’n chwilio am y pysgod mwyaf ffres o farchnadoedd, tyfwyr a physgotwyr trwyddedig, ac mae Mike yn rheoli'r ochr gynllunio a strategol y busnes.

O’i siop wreiddiol ym Mhenmaenmawr, ehangodd y busnes i fod yn wasanaeth cyfanwerthol, gan gyflenwi pysgod, cigoedd hela ac eraill ledled gogledd-orllewin Cymru ac yn y pendraw cyflwynodd ei fwydydd wedi eu mygu eu hunain, yn dilyn adleoli i Landudno ym 1988. Ar ôl cael gwybodaeth dda o’r busnes, mae Mike a Jody yn awyddus i ddatblygu eu hamrywiaeth o fwydydd arbenigol gyda phwyslais cryf ar gynnyrch o Gymru.

“Mae angen i ni fanteisio ar ymwybyddiaeth cwsmeriaid a’u diddordeb mewn bwydydd a gynhyrchir yn lleol o ansawdd da,” meddai Mike. “Byddwn yn hyrwyddo ein hunaniaeth Gymraeg, er enghraifft, mae pob un o’n bwydydd yn cael eu mygu dros dderw Cymreig, gan ddefnyddio technegau mygu poeth ac oer.” Ac ar ben hynny maent hefyd yn cyflenwi cregyn bylchog Ynys Môn, cregyn gleision Conwy a mecryll wedi mygu o Fôr Iwerddon, ac mae nifer o gynnyrch newydd wedi cael eu cyflwyno gan gynnwys bacwn mêl cartref o Gymru ac amrywiaeth gyffrous o selsig wedi’u mygu.