Dymuniad i arwain bywyd gwledig oedd y rheswm pam symudodd Claire Barnard a’i phartner o Hertfordshire i fagu defaid, lamas, gwyddau, combács, hwyaid a llawer iawn o gywion ieir organig ar 21 erw o dir, a gymeradwywyd gan y Soil Association, tu allan Benmachno ym mhen uchaf Dyffryn Conwy.

Gan ddechrau gyda 3 iâr yn yr ardd, prynodd, Claire a Richard 14 erw lle'r oedd yr ieir eisoes wedi bod yn clwydo, gan ei ddefnyddio ar gyfer praidd o 22 dafad Mynydd Cymreig ‘Badger Face’. Adnewyddodd y cwpl hen ffermdy allan o’r pentref gan gael 7 erw arall sydd erbyn hyn yn gartref i 100 o fridiau traddodiadol gan gynnwys ‘Rhode Island Reds’,

‘Light Sussex’, ‘Buff Sussex’, ‘Marans’, ‘Welsummers’ ac ‘Araucanas’, sy’n enwog am ddodwy wyau glas prydferth. Gan ddarparu hyd at 80 ŵy y diwrnod, mae Claire yn gwerthu’r rhain i gydweithwyr yn yr ysgol lle mae’n dysgu a thrwy werthiannau uniongyrchol.

Mae’r hwyaid ‘Khaki Campbell’ a’r Gwyddau Tsieineaidd sydd ar y fferm yn fwy egsotig. “Mae wyau hwyaid ychydig yn fwy blasus, ond dim ond am dair wythnos maen nhw’n para, a dyna pam mai wyau ieir oedd yn cael eu bwyta’n ystod y rhyfel yn hytrach nag wyau hwyaid,” esboniodd Richard, “ac mae wyau gwyddau mor fawr dim ond un sydd ei angen i wneud omlet!” Mae unrhyw wyau sydd ar ôl yn cael eu gwerthu mewn marchnadoedd ffermwyr lleol. “Byddwn yn gwerthu cig oen a phorc o’r hydref ymlaen, ac yn magu gwyddau ar gyfer y Nadolig. Rydym hefyd yn ceisio magu twrciod Bronze traddodiadol ar gyfer y Farchnad Nadolig.”